الأفندي أوباما… رقّاصة وبترقص

 

الأفندي أوباما… رقّاصة وبترقص

نوارة نجم

الأفندي أوباما… ممكن تتنيّل تخرس خالص؟ إنت طالع زي الخازوق لوحدك تقول لنا: أنا حاضيف أنا حاضيف… رقاصة وبترقص… إيه يا معتوه جُمل الكتاب الأخضر اللي إنت عمّال تردّدها دي وكل شوية طالع لوحدك وعامل مؤتمر صحفي تفسر الماء بعد الجهد بالماء: الحكم للشعب، سمعنا أصواتكم، الجيش المصري لن يطلق النار على المتظاهرين… وحياة خالتك؟ ده إيه المعلومات الخطيرة السرية والكلام المؤثر اللي بيهز كيان الكون ده كله؟ إنت حمار يا حمار؟ الحكم للشعب ده بمزاجك يا روح أمّك؟ ده قرارنا إحنا، وما كانش رأيكم طول التلاتين سنة اللي فاتوا… ولا هاه؟ سمعتوا أصواتنا يعني كنتوا راقبتوا تليفوناتنا؟ ما إحنا بقالنا 0اتناشر يوم بنرقع بالحياني، توك ما سمعت؟ هو انت راخر سمعك تقيل زي your ex. مش ده النظام المصري الثابت والمستقر؟ وانت مين يا ننوس عين أمّك عشان تتكلّم بالنيابة عن جيشنا المصري، ولا بتبلغنا معلومة سرية خطيرة فظيعة: مش حيضرب عليكوا نار… لا والنبي؟

تصدق فاجئتنا؟ ما كنّاش نتوقع أبداً المفاجأة دي… هو إمتى الجيش المصري ضرب نار على مصري قبل كده؟ ومين اللي فهمك اننا خايفين من الجيش المصري؟ ولو خايفين ما احنا قاعدين معاه ما نقدر نسأله.
على فكرة شكلك سيس آخر حاجة… حد من مستشاريه يقول له يسكت عشان هزأ روحه. ولا اقول لك… خليك اتكلم، اصلك كل ما بتهزّأ نفسك بتهزّأ معاك الوكيل بتاعك اللي خدمكوا تلاتين سنة ولسعتوه على قفاه.

:::::

عن مدوّنة “جبهة التهييس الشعبيّة” tahyyes.blogspot.com