1
نبوءة
إفرحي قليلا
أيقظي أعضاءك النائمة
وارقصي بها على الشرفات
كم ربيع انقضى في الأرض
قبل هذا الربيع العربي الوحيد ؟
ترى من الذي كان غائبا
هو أم أنت ؟
هل تشمين رائحة السوسن
وهي تفوح من أزهار الياسمين
وهل تشاهدين ثمار البرقوق
معلقة على أشجار التفاح
والعصافير التي تخلع ريشها القديم
لتبدأ ألوانها الجديدة ؟
وجمال النساء العاريات
الذي رمى أقاليمه المشمسة
على خارطة الفرح
أين خبأت جمالك الأسمر
طيلة أربعين عاما ؟
غدا تلمس السماء
جبين فرحتك بنسيم البحر
طلعتك الملوثة بالضجر الأخضر
وهم الربيع الكاذب
سوف تصدح بالفصول الأربعة
على قيثارة أمريكا سيدة الشهور جميعا .
أه ليبيا الجديدة !
أسرعي بالفرح
بعد قليل
تستعيدين تعاستك المسلوبة
ويستوطنك العذاب إلى …… الأبد ؟
2
أيمتا يا طيب !
سلامو عليكم
سلامو علينا
بنصبّح ونمسّي
وتردّوا علينا .
إحنا كنا فين
آه ياولاد الأيه
خمّونا بمازا ؟
واتخمّينا ليه ؟
هي الدنيا حلوه
من زمان كده
واحنا اللي ترزينا
بمدان السيّدة ؟
كان عامل عرباوي
وأمريكا زعلانه
وكان عامل مصراوي
وأمريكا طهقانه
بتحب المصريين
مُنزُ حتشّبسوت
وبتبعت بالسّر
شقلاطه وبسكوت
والمصري مش فاضي
بيبني الإشتراكية
وبيبني السد العالي
ت يقطع عنا الميّة
· ويوديها لفي..ي.. ين ؟
· يوديها لسورية !
وبيقولو أمريكا
كلبه استعماريه !
آه يا صابره علينا
يامّ عيون الزرق
أسود ولاّ ابيض
ما في عندك فرق
· تعال امّا أقولك
بس تقولش لحد
أوباما دا بتاعنا
لا سبت ولا حد
مسلم زيي وزيك
وماشي في الإخوان
أمو كونداليسا
وابوه سيّد زيّان
والمسكين يعيّط
وينك يابو شريك ؟
دحنا متفقين
قبل صياح الديك
إنو تبقى حاكم
وتدينا ونديك
والثورة حداكم
ناديها بتجيك
حلوه زي القشطه
يا قادر يا فكيك !
حبيناك يا مصر
يامّ عيون السود
يا ريتك زمان
وفيتى بالموعود .
إنتم فين يا ناس
يا عالم ياهو
دي الثورة بتنادي
الفقر بطلوه
جي الربيع بحالو
قوموا استقبلوه
دكانو الكببرة
بتسأل الزوار :
عايز لحمه بتيلّو
ولا كم دولار ؟
سلامو عليكم
سلامو علينا
ياللي ما بتدخّن
أدّيني سيجارة
وياللي في المقابر
ابنو لي عمارة
مصر أم الدنيا
اتجوّزت أمريكا
إشبع يا جوعان
ودقّي يا مزّيكا .
هاتلى سبعه شاي
وهاتلي حاجة سقعة
ونارجيلة براسين
واتوصّى بالولعة
ودي خمسين دورار
والباقي عشانك
خد بقى يا حمار
واتوصّى بعيالك
وكّلهم لحمه ضان
واوعى تخاف الفقر
أوباما توه سائل
كيف حالك يا مصر
والله اشتقنا يا فقر
ما تحوّد حدانا
أه يا بو الجرجير
والقوطة الزعلانة
والعيش العمومي
والفوله القرفانة
همه راحو فين ؟
ياريت تجيبوهم
– ما الفقر بطّلوه
يمكن بطلوهم ؟
– ما الفقر اعتقلوه
يعني اعتقلوهم ؟
– يا لهوه ياولاد
دول الإحتياطي
إلعيش الحلال
والفقر الأسطوقراطي
يالله عالتحرير
نعمل سَوْرة تاني
إطلع ياللي فوق
وانزل يا تحتاني
هوّ احنا مغفلين
ولا مش سُوّار
الناس بتيجي بلادنا
تتفرج عاللي صار .
شي لله يا مرسي
يا محجّب الستّات
يا ازرق يا سماوي
يا مدوّخ الطنطاوي
يا ملفع بالبركات
بدنا رجال تحكمنا
من أفخر الماركات
لم دخنو الحشيش
ولم دوّروا البنات .
يا مصر يا محروسة
من عيون الناس
بالشيخ المدوّر
ومرسي ابو العباس
جه زمان العدل
وتمَد الأساس
دستورك دليلك
كل الناس سواس
اربعة بالدورة
والفقير بوّاس
وكده العدل يمشي
في الزفة بلا لباس .
سلامو علينا
سلامو عليكم
هي الزفة خلصت
بنمسّي عليكم
آه يا شعب مصر
يا سرّ من الأسرار
نايم صاحي تحيّر
بس حليم جبّار
ليه المشية ونِيّة
والشارع دوار
أيمتا تقول خلاص
وتكمل المشوار
مصر حاتبكي دم
بلكي تلحقوها
دول بتوع أمريكا
تطلّع عالوشوش
قيل ما تمشي بكرة
بالندم مرشوش .